Хаартыска: minobrnauki.sakha.gov.ru
Үөрэх уонна билим министиэристибэтэ байыаннай эпэрээссийэ кыттыылаахтарыгар уонна кинилэр дьиэ кэргэттэригэр өйөбүл миэрэлэри олоххо киллэрии былааннаах үлэтин салҕыыр. Бу туһунан министиэристибэтэ пресс-сулууспата суруйар.
Үөрэх уонна билим министиэристибэтинэн барыта 11 өйөбүл миэрэ көрүллэр. Бүгүн дьыл кэмиттэн көрдөххө тохсунньу 25 күнүгэр бэлиэтэнэр Устудьуоннар күннэрин иннинэ устудьуоннарга өйөбүл ордук суолталаах. Бу туһунан миниистири бастакы солбуйааччы Михаил Юрьевич Присяжнай нэдиэлэтээҕи брифинг кэмигэр кэпсээтэ.
“Өрөспүүбүлүкэ байыаннай эпэрээссийэ кыттыылаахтарын оҕолоругар 5888 солк. кээмэйдээх истипиэндьийэ көрүллүүтүн салҕыыр. Манна өрөспүүбүлүкэ идэҕэ үөрэтэр тэрилтэрэлин уонна биһиги оҕолорбут үөрэнэр университеттарын, академияларын бары устудьуоннара киирсэллэр. Тустаах миэрэ устудьуон үөрэнэрин тухары көрүллэр. Маны тэҥэ, үчүгэй үөрэҕин иһин эбии истипиэндьийэ ылыан сөбүн бэлиэтээн этэбин”, — диэн иһитиннэрдэ.
Салгыы Михаил Юрьевич устудьуоннар өрөспүүбүлүкэ судаарыстыбаннай бүддьүөтүн үбүн суотугар үрдүк уонна орто анал үөрэх тэрилтэлэригэр үөрэниигэ тус сыаллаах үөрэх (целевое обучение) сөбүлэҥин түһэрсэр кыахтаахтарын бэлиэтээтэ. Бүгүҥҥү туругунан 32 устудьуон сөбүлэҥ түһэрсэн олорор. “Ону тэҥэ, тус сыаллаах үөрэххэ сөбүлэҥ түһэрсэр кыах баар. Манна анал истипиэндьийэни сэргэ өссө тус сыаллаах устудьуон (целевик) буоларын быһыытынан эбии истипиэндьийэ төлөнөр уонна үлэҕэ киирэллэрэ хааччыллар”, — диэн миниистири бастакы солбуйааччы эттэ.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорор…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…