“КонкритСтрой” ХЭУо дириэктэрэ Михаил Протодьяконов арҕаа дойдулар тохтообокко салҕана турар уодаһыннаах дьайыыларын тохтоторго дойду салалтата анал байыаннай эпэрээссийэни ыытан, саамай сөптөөх быһаарыыны ылыммытын өйүүр:
— Бу анал байыаннай эпэрээссийэ икки сыалы ситиһиэхтээх: бастатан туран, Малороссия урукку сирдэригэр олохтоох нууччалары фашистыы сүрүннээх нацистартан көмүскээһин итиэннэ, иккиһинэн, НАТО күүстэрэ дойдубут кыраныыссатыгар олох чугас кимэн киириититтэн көмүскэнии. Арассыыйа маннык эпэрээссийэни ыытарыгар куомуннаспыт арҕаа дойдулар бэйэлэрэ тиэртилэр. Урукку өттүгэр ити дойдулар биһиэхэ элбэхтик сэриинэн кэлбиттэрэ, онтуларын күн бүгүн даҕаны төттөрү иэҕэн хатылыы тураллар. Дьэ, ол иһин Арассыыйа салалтата хайа баҕарар дойдуга күүс өттүнэн күөнтээһин, буолаары буолан ядернай сэрии сэптээх дойду куттала суох олоруутугар суоһааһын хайдах да табыллыбатын үчүгэйдик санатарга, өйдөтөргө күһэлиннэ.
Сэбиэскэй кэмҥэ маннык утарыта туруу, күөнтэһии Карибскай кириисис диэн ааттаммыта. Оччолорго биһиэхэ өстөөх дойдулар бэйэлэрин аракыаталарын Турцияҕа аҕалан туруорбуттара. Онно харда быһыытынан ССРС бэйэтин аракыаталарын Кубаҕа илдьэн туруорбута. Билигин хайдаҕый диэн көрдөххө, Турциятааҕар быдан чугас, Арассыыйаны кытта ыаллыы Украинаҕа кэллилэр.
Манан сибээстээн эттэхпинэ, бу анал байыаннай эпэрээссийэни ыытыы сөптөөх уонна наадалаах. Арассыыйа бу киирсиигэ хайаан да кыайыахтаах. Дойду бүттүүнүн олохтоохторо, омугуттан тутулуга суох, бука бары бэйэ бэйэни ытыктаһан, араас итэҕэллэрбитигэр муударайдык, тулуурдаахтык, холкутук сыһыаннаһан, биир сомоҕо буолуохтаахпыт. Арассыыйа састаабыгар олорор бары эрэгийиэннэр бэйэ бэйэлэригэр көмөлөсүһэн, убаастабыллаахтык сыһыаннаһан олороллор, олорбуттара, олоруохтара даҕаны. Маннык салҕанан бара турдаҕына, дойду нэһилиэнньэтэ бу сыһыаннары сыаналыыра бөҕөргүү туруоҕа.
Арассыыйа устуоруйатыгар түүр омуктарын үтүө оруола өрүү баара. Биһиги дойдубут элбэх омуктаах биир ньыгыл норуот быһыытынан үйэлэргэ бииргэ олорон кэлиитэ – кини модун кыаҕа уонна күүһэ. Оттон Европа дойдулара Арассыыйаҕа былыр былыргыттан сэнэбиллээхтик сыһыаннаһалларын күн бүгүҥҥэ диэри дакаастыы, аһаҕастык көрдөрө сылдьаллар.
Муус устарга 872 оҕо күн сирин көрбүт. Дьиэ кэргэн уонна Оҕо саас сылларыгар Саха сиригэр…
Байыастарга бырааһынньыктааҕы ас-үөл набордарын ыам ыйын 11 күнүгэр диэри туттартыахтара. Кыайыы күнүн көрсө ас-үөл набордарын…
Бүгүн Араадьыйа күнүн көрсө "Саха" НКИХ салалтата Аҕа дойду Улуу сэриитин кыттыылааҕа, Сэбиэскэй сойуус Дьоруойа,…
Суоттуга тыыл бэтэрээннэригэр, сэрии кэмин оҕолоругар, Дьоруой ийэҕэ, байыаннай дьайыыга кытта сылдьар дьоммут дьиэ кэргэттэригэр…
Бу күннэргэ Ньурба улууһун баһылыга Алексей Иннокентьев улуус нэһилиэктэригэр сылдьан үлэни-хамнаһы кытта билсэр. Ол курдук,…
Николай Макаров СӨ култуура нэһилиэстибэтин эбийиэктэрин харыстыыр управление салайааччытынан ананна. Ил Дархан Айсен Николаев 2024…