РФ Бырабыыталыстыбатын бэрэссэдээтэлэ Михаил Мишустин бэҕэһээ вице-премьердары кытары мунньах ыытан, үрдүкү технологияны, технопааркалары сайыннарыыга санааларын эттэ.
РФ Бырабыыталыстыбата ааспыт нэдиэлэҕэ инвестордарга анаан тус сыаллаах миэрэлэри ылыммыта. Билигин бу миэрэлэри индустриальнай уонна бырамыысыланнай технопааркаларга киллэрдилэр.
— Бу эйгэлэргэ инвестордар инфраструктураларын сайыннарыыларыгар үбүлээһини өссө үрдэтэн биэриэхпит. Ол курдук, индустриальнай пааркаларга биир гектар иһин үбүлээһин 30 мөлүйүөн солкуобайга диэри улаатыаҕа, оттон бырамыысыланнай уонна үрдүкү технологиянан дьарыктанар технопааркаларга бу суума биир кв м 120 тыһыынча солкуобай буолуоҕа. Бу аҕыс сыл иһигэр дьоһун хардыы буолар, — диэн бэлиэтиир Михаил Владимирович.
Ону таһынан судаарыстыба технопааркалар ороскуоттарын түөрт гыммыт үһүн уйунуоҕа.
— Маны сэргэ бырабыыталыстыба ороскуоту уйунууга испииһэги кэҥэтэн биэрдэ. Билигин бу ороскуокка кирэдьиит төлөбүрэ, хампаанньа сүрүн устаабын хапытаалыгар усунуос төлөөһүнэ барыта киирдэ. Бу саҥа уларыйыылар, мин санаабар, технопааркалар үлэлэрин өссө көдьүүстээх оҥоруоҕа, ону таһынан оҥорон таһаарыыларын, саҥаны киллэриилэрин үрдэтэн биэриэҕэ. Бу эрэгийиэннэр сайдыыларыгар төһүү буолуоҕа, — диэн этэр кини.
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…