Назар Петров: «Миинэлэммит ыллыгынан байыастарбытыгар тиийбиппит»

Украинаҕа ыытыллар анал эпэрээссийэҕэ миэдик быһыытынан Өлөөн киин балыыһатын кылаабынай бырааһа Назар Петров сырытта. Бу туһунан СИА “Якутия24” телеханаалга кэпсээтэ.

Этэрээккэ кинини кытта биир идэлээх үс киһи баара: хирург-быраас Сергей Васильев уонна экстреннэй көмөнү оҥорор исписэлиистэр. Назар Петров этэринэн, атыттар курдук байыас быһыытынан сылдьыбыттар, ол эрээри эбии миэдик эбээһинэһин толорбуттар. Кинилэр пациеннарыгар миинэлэммит ыллыктарынан көмө оҥоро тиийэллэрэ. “Биһиги байыастарбыт сытар позицияларыгар көмөнү оҥоро өстөөх уотун ортотунан барарга күһэллибиппит. Бронхиты, ангинаны, артриты уонна дьоҕус эпэрээссийэлэри оҥороору. Эпэрээссийэни саха быһаҕынан оҥорбутум. Оттон скальпелбын улахан эпэрээссийэлэргэ туһанаары харыстаабытым”, — диэн кылаабынай быраас кэпсээтэ.

Эмчит кэпсээбитинэн, кини табаарыһа Сергей Васильев ытыалаһыылаах киирсиигэ ыараханнык эчэйбит байыастары быыһаабыта. Онтон бэйэтэ эмиэ эчэйэн, тыылга баар госпитальга хаста даҕаны эпэрээссийэлэммитэ.  Назар Петров байыаннай сулууспалаахтары наадалаах экипировканан толору хааччыйбыттарын бэлиэтээтэ. Ол курдук, бойобуой тэрили уктарга жилет уонна өрөспүүбүлүкэттэн саҥа форма, Арассыыйа аармыйатыттан — саҥа бронежилетынан. ”Байыастар үчүгэйдик аһыы сырыттыбыт. Спальниктарга утуйбуппут”. Биһиги дьиэ кэргэттэрбитин Өлөөн улууһун баһылыга Лена Иванова өйөөтө. Ону тэҥэ чугас дьоммут Айсен Николаев ыйааҕынан өйөбүлү кэтэһэллэр”, — диэн эбэн кэпсээтэ кылаабынай быраас.

Источник © ysia.ru

Хаартыска: тустаах саайтан