Мииринэй 70 сыллаах үбүлүөйүн көрсө улахан суол өрөмүөнэ саҕаланыаҕа

2025 сыллаахха Мииринэй 70 сыллаах үбүлүөйүн бэлиэтиэҕэ. Үбүлүөйү көрсө суоллары саҥатытар  улахан бырайыак саҕаланан эрэр.

Бу туһунан Ил Дархан Айсен Николаев «Хозактив АЛРОСА» пуорум быһа лииньийэтин кэмигэр эттэ.

Үлэ «Олоххо наадалаах инфраструктура» национальнай бырайыак чэрчитинэн ыытыллыаҕа, ол биир хайысхатынан Уһук Илин 20 тыһ. саҕаланар нэһилиэнньэлээх куораттарыгар суоллары өрөмүөннээһин буолар. Чуолаан 2027 сылга диэри алмаастаах куоракка  16 км кэриҥэ суол оҥоһуллуоҕа.

“Муус устарга СӨ тырааныспарга уонна суол хаһаайыстыбатын министиэристибэтин уонна Мииринэй куорат дьаһалтатын икки ардыларыгар сөбүлэһии түһэрсиллибитэ. Бу сөбүлэһии быһыытынан, чугастааҕы үс сылга Мииринэйгэ 14 суолу нуормаламмыт турукка киллэриэхтэрэ. Бу Арассыыйа Бэрэсидьиэнин өттүттэн Мииринэй куорат төрүттэммитэ 70 сылыгар үтүө бэлэх буолуоҕа”, — диэн бэлиэтээтэ Айсен Николаев.

Бастакы түһүмэххэ, 2025 сылга, Мииринэйгэ 5 км тахса уһуннаах түөрт уулусса ны оҥоруу былааннанар. Үлэ бэс ыйыттан саҕаланыаҕа, диэн иһитиннэрэр Ил Дархан, бырабыыталыстыба пресс-сулууспата.