Хаартыскаҕа Андрей Сорокин түһэриитэ, СИА
Олунньу 20 күнүгэр өрөспүүбүлүкэ баһылыга Айсен Николаев Мииринэйгэ Ленинградскай проспекка элбэх кыбартыыралаах дьиэ тутуутун хонтуруоллаата. Манна саахалланар туруктаммыт уонна киһи олороругар сөбө суох 9 дьиэттэн 92 ыал көһүөҕэ.
Дьиэ 93 бырыһыан бэлэм буолбут. Саха сирин баһылыга Айсен Николаев саҥа дьиэни кэтэһэр ыалларга социальнай суолталааҕын бэлиэтээтэ. Болдьоҕор бүтэрэргэ эбийиэккэ үлэһиттэри эбии ылан, үлэни түргэтэтиэхтэрин наадатын соруйда.
Олорор дьиэни-уоту тутуу дириэксийэтин сакааһынан тутар-таҥар үлэни “Кинг-95” ыытар. 98 кыбартыыраттан 92-тин хаарбах дьиэттэн көһөөччүлэргэ анаабыттар.
Мииринэй оройуонугар “Дьиэ-уот уонна куорат эйгэтэ” бэрэсидьиэн национальнай бырайыагынан олоххо киллэриллэр тус аадырыстаах өрөспүүбүлүкэтээҕи бырагырааманан 2019 сылтан 2024 сылга диэри 20 тыһыынча квадратнай миэтэрэ саахалланар дьиэ көтүрүллүөхтээх. Итинтэн билигин 16 тыһыынчаттан тахсата көһөрүлүннэ. Онон харчынан толуйууну эбэтэр иккис ырыынакка кыбартыыралары ылан олорор усулуобуйаларын 405 ыал тупсарда. 2024 сыл бүтүөр диэри өссө 81 ыалы көһөрүөхтэрэ.
Мииринэйгэ урут көһөрүллээччилэргэ дьиэни АЛРОСА хампаанньаны кытта сөбүлэһиннэрэн туталлара. Үс өрүттээх сөбүлэһии 2012 с. өрөспүүбүлүкэ бырабыыталыстыбатын, АЛРОСА-ны уонна муниципальнай тэриллиилэри кытта түһэрсиллибитэ. Сөбүлэһиигэ киллэриллибит 40 саахалланар дьиэттэн 5 көһөрүү хаалла.
“АЛРОСА” АК кытта сөбүлэһиинэн 36 элбэх кыбартыыралаах дьиэ көтүрүлүннэ уонна көһөрүлүннэ (549 кыбартыыра). Элбэх кыбартыыралаах 7 дьиэ тутулунна уонна үлэҕэ киллэрилиннэ – 281 кыбартыыра. Иккис ырыынактан 235 кыбартыыраны атыыластылар. Онон 516 ыал олорор усулуобуйатын тупсарда.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската, СИА
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…
Өлүөхүмэ улууһун Уолбут нэһилиэгэр “Эйгэ” сынньалаҥ киин дьиэтигэр араас тэрээһин барыта буолар. Быйыл өссө биир…
Сэтинньи 22 күнүгэр Индигир өрүс төрдүгэр былыр-былыргыттан олохсуйан олорор Русскай Устье, Походскай сэлиэнньэлэр олохтоохторун устуоруйаларыгар,…