Мииринэй киин балыыһатыгар саҥа быраас ананна

Мииринэй оройуонун балыыһатын Дьокуускай бырааһа Вера Тарасова сүрүннүөҕэ.

Саҥа салайааччыны Мииринэй оройуонун киин балыыһатыгар Бырабыыталыстыба бэрэссэдээтэлин солбуйааччы Ольга Балабкина билиһиннэрдэ. Саҥа анаммыт быраас идэтинэн сүрэх бырааһа. Эрдэ Вера Евстафьевна нэһилиэнньэҕэ мэдиссиинэ көмөтүн тэрийэр Департамены салайбыта. Саҥа дуоһунаска ананыан биир сыл иннинэ, Дьокуускайдааҕы үһүс килиниичэскэй балыыһа салайааччытын солбуйааччытынан үлэлээбитэ.
Саҥа салайааччы ыарыһахтарга болҕомтолоох буолуу, кэлэктиип биир хайысханан үлэлиэхтээҕин уонна бырайыагынан үлэ наадатын бэлиэтээн эттэ.