Мииринэй куоракка киһини өлөрүүгэ буруйдаммыт дьахтары хаайдылар

Мииринэйдээҕи силиэстийэлиир отделынан киһини өлөрүүгэ буруйдаммыт 50 саастаах дьахтарга холуобунай дьыала тэрилиннэ.

Силиэстийэ чахчыларынан, 2025 сыл тохсунньу 5 күнүгэр  Алмазнай бөһүөлэккэ  буруйданааччы дьахтар уонна кинини кытта бииргэ олорбут эр киһи икки ардыларыгар арыгыны иһии кэмигэр иирсээн тахсыбыт. Буруйданааччы дьахтар куухуньа быһаҕынан түөскэ охсубут. Эр киһи ылбыт эчэйиититтэн суорума суолламмыт.

Тохсунньу 7 күнүгэр урут сууттана сылдьыбытын учуоттаан силиэстийэлиир кэмитиэтин силиэдэбэтэлин ирдэбилинэн дьахтары хаайдылар. Холуобунай дьыаланан силиэстийэлээһин ыытыллар. Бу туһунан Саха сиринээҕи Силиэстийэлиир Кэмитиэтин пресс-сулууспата суруйар.