Мииринэй олохтооҕо дьиэ арыандатын харчытын ылан баран сүппүт

Мииринэй оройуонун ИДьМ дьуһуурунай салаатыгар түөкүннээһин тахсыбытын туһунан олохтоох дьахтар иһитиннэрбит. Кини кэпсээбитинэн, кыбартыыра арыандаҕа ылаары биллэрии көрбүт, дьиэлээх киһиэхэ эрдэтинэ 86 тыһ.солк. ыыппыт. Ол кэнниттэн хаһаайын харчыны ылан баран сибээстэн сүппүт диэн СӨ ИДьМ пресс-сулууспата иһитиннэрэр.

Суһал-ирдиир тэрээһиннэр ыытылланнар, полицейскайдар 41 саастаах уорбаланааччыны быһаарбыттар.

Быһаарыллыбытынан, бу киһи Мииринэй куоракка кыбартыыра арыандалыырын туһунан сымыйа биллэриини таһаарбыт. Эмсэҕэлээччи бу биллэриини көрөн, үс ый олорор харчытын 86 тыһ.солк. ыыппыт.