Мииринэй олохтооҕо Ил Дархаҥҥа бэйдиэ сылдьар ыт ахсаана элбээбитин туһунан үҥүстэ

Мииринэй олохтооҕо Ил Дархаҥҥа Мииринэй куоракка бэйдиэ сыллдьар ыт ахсаана элбээбитин туһунан үҥүстэ. «Саха» ГТРК ханаалга «Быһа кэпсэтии» биэрии кэмигэр дьахтарга ыт үөрэ саба түһэ сатаабытын туһунан иһитиннэрдэ.

«Мин хайаан да Мииринэй оройуонун уонна Мииринэй куорат баһылыктарыттан тоҕо бэйдиэ сылдьар ыт ахсаана элбээбитин туһунан ыйыталаһыам», — диэн Айсен Николаев эрэннэрдэ.

Өрөспүүбүлүкэ баһылыга сыллата Саха сирин бүддьүөтүттэн бэйдиэ сылдьар кыыллары тутуугаа 84 мөлүйүөн үп-харчы көрүллэрин туһунан иһитиннэрдэ.

«Биһиги хара маҥнайгыттан эрэгийиэннэргэ бэйдиэ сылдьар кыыллар ахсаанын бэрээдэктиир быраап бэриллэрин туруорсабыт. Бэл, үрдүктүк сыаналаммыт саҥа сокуон көҕүлэммитэ эрээри, кыыллары көмүскээччилэр суутунан утарыласпыттара. Маннык түгэн хас биирдии эрэгийиэҥҥэ буола турар. Билигин Госдуума бу боппуруоһу күүскэ ылыста уонна эрэгийиэннэргэ кыыллар ахсааннарын бэрээдэктиир быраап биэрэр сокуон ылыллыаҕа диэн эрэнэбит. Манна киһи олоҕун туһунан кэпсэтии барар», — диэтэ Айсен Николаев.