Салгыы
Мииринэйгэ тырааныспар суолунан хааччыйыы боппуруостара көрүлүннүлэр

Мииринэйгэ тырааныспар суолунан хааччыйыы боппуруостара көрүлүннүлэр

Ааптар:
04.06.2024, 20:40
Хаартыска: sakha.gov.ru
Бөлөххө киир:

Саха сирин Бырабыыталыстыбатын бэрэссэдээтэлэ Кирилл Бычков Мииринэй улууһун тырааныспар суолунан хааччыйыы боппуруостарыгар сүбэ мунньаҕы ыытта.

Премьер-миниистир сүбэ мунньахха  «АЛРОСА» АХ кытта «Мухтуйа» айан суол трассатын бырайыактыыр-симиэтэлиир докумуоннарын оҥорууга үлэ саҕаламмытын туһунан дуогабар түһэрсиллибитин туһунан эттэ. «Мухтуйа» айан суол 85 %-нын  өрөмүөннүүргэ 70-тан тахса км кэриҥэ уһуннаах суол хапытаалынай өрөмүөнүн ыытыыга суолу бырайыактааһынынан барарга быһаарылынна.

Кирилл Бычков сүбэ мунньахха «АЛРОСА» хампаанньа салалтата Мииринэй улууһун сайдыытыгар көмөлөһөрүн иһин махтанна. «Бу Мииринэй оройуонун сайдыытыгар дьоһун хардыынан буолуоҕа уонна олохтоохторго тырааныспар суолугар табыгастаах усулуобуйа тэриллиэҕэ», — диэн Кирилл Бычков бэлиэтээтэ.

Сүбэ мунньахха ураты болҕомтону «Мииринэй» уонна «Полярнай» аэропортары тутууну түмүктэнэригэр уурдулар. Бу бырайыактар улууска стратегическай суолталаахтар уонна ситиһиилээхтик түмүктэнэригэр үлэни түргэтэтиигэ быһаарыы ылыллыахтаах.

«Оройуон олохтоохторо бу бырайыактар түмүктэнэллэрин олус диэн күүтэллэр. Билигин түмсэммит, бары күүспүтүн уураммыт, Мииринэй улууһун олохтоохторо табыгастаахтык үлэлииллэригэр уонна куттала суох олороллоругар бары усулуобуйа тэриллиэхтээх», – диэн Кирилл Бычков бэлиэтээтэ.

Мунньахха иһитиннэриилэри «Ространсмодернизация» ФХ генеральнай дириэктэрин э.т. Владимир Мишанин уонна СӨ Тырааныспарга уонна суол хаһаайыстыбатын миниистирэ Владимир Сивцев оҥордулар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июля
  • 17°C
  • Ощущается: 17°Влажность: 94% Скорость ветра: 1 м/с

Сообщить об опечатке

Текст, который будет отправлен нашим редакторам: