Мииринэй оройуонугар киһи оҥочоттон түҥнэстибит

Мииринэйдээҕи ЕДДС-ын информациятынан, балаҕан ыйын 9 күнүгэр Чернышевскай бөһүөлэгэр киһи сүппүт. Бу туһунан бөһүөлэк баһылыга 07:32 чааска иһитиннэрбит диэн СӨ Быыһыыр сулууспата суруйар.

«Өрүс кытылыттан быыһыыр сэлиэччиги уонна оҥочону булбуттар. Киһи оҥочоттон түҥнэстибит быһыылаах», — диэн иһитиннэриигэ суруллар.

Полиция уонна Росгвардия үлэһиттэрэ көрдөөбүттэр даҕаны, булбатахтар.

Ньурбатааҕы көрдүүр-быыһыыр этэрээт үс быыһааччыта көрдүү туруммуттар.