Хаартыска: СӨ Ил Дарханын уонна Бырабыыталыстыбатын пресс-сулууспата
Мииринэй куорат саҥа аэропордугар алмаастаах кыраай номоххо киирбит дьонуттан биирдэстэрин аатын иҥэрэр былааннанар. Маннык этиини Саха сирин Ил Дархана Айсен Николаев көтөхтө.
Кини бу көҕүлээһини алмаастаах киин куорат уонна өрөспүүбүлүкэ алмааһы хостуур салаатын 70 сылыгар анаммыт тэрээһиҥҥэ олохтоохтор өйөөбүттэрин бэлиэтээтэ.
«Биһиги бэтэрээннэрбитин, алмсаас бырамыысыланнаһын салаата төрүттэниитигэр үлэлээбит дьону умнуо суохтаахпыт. Сүрүннээн Аҕа дойду Улуу сэриитин кыттыылаахтарыттан. Кинилэр ортолоругар Сэбиэскэй Сойуус Дьоруойдара элбэхтэрэ. Мин тутулла турар Мииринэй саҥа аэропордугар алмаас бырамыысыланнаһын номоххо киирбит дьонуттан биирдэстэрин аатын иҥэрэр туһунан этии киллэрдим. Бу ытык бэлиэ дьыалата буолуо этэ. Дьон-сэргэ миигин өйөөтүлэр, ордук бэтэрээннэр. Мииринэй улууһун олохтоохторун кытта киэҥник дьүүллэспиппитин кэннэ дойду салалтатыгар маннык этиини киллэриэхпит диэн эрэнэбин», – диэн Айсен Николаев «Саха» НКИХ ««Якутия, вперёд!» биэриигэ эттэ.
Мииринэйгэ саҥа аэропорт комплексын тутуута 2027 сыллаахха түмүктэниэ. Эбийиэк Арассыыйа Бэрэсидьиэнэ Владимир Путин көҕүлээбит «Көдьүүстээх тырааныспар ситимэ» национальнай бырайыагын «Тирэх аэропорт ситимин сайыннарыы» федеральнай бырайыагын чэрчитинэн тутуллар.
2019 сылтан 2024 сылга диэри «эЭрэгийиэннээҕи аэропортары сайыннарыы» федеральнай бырайыак чэрчитинэн Саха сиригэр 11 аэропорт саҥардылынна: Дьокуускайга, Черскэйгэ, Эдьигээҥҥэ, Хаандыгаҕа, Үрүҥ Хайаҕа, Үөһээ Бүлүүгэ, Бүлүүгэ, Депутатскайга, Сангаарга, Нерюнгрига уонна Уус Ньараҕа. 2025 сылтан өрөспүүбүлүкэ аэропордун ситимин сайыннарыы «Көдьүүстээх тырааныспар ситимэ» национальнай бырайыак састаабыгар киирэр саҥа «Тирэх аэропорт ситимин сайыннарыы» федеральнай бырайыак чэрчитинэн салҕанар. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…