Хаартыска: СӨ Бырабыыталыстыбатын пресс-сулууспата.
Мииринэй оройуонун Светлэй бөһүөлэгэр эрэгийиэннээҕи тиэхиньиичэскэй кэллиэс баазатыгар үөрэх комплекса аһылынна.
Ньиэби уонна гааһы хостуур фабрикаҕа үлэ хаамыытын чэрчитинэн бырамыысаланнас 12 хайысхатыгар анал идэлээх исписэлиистэри бэлэмниэхтэрэ. Бу туһунан Ил Дархан Айсен Николаев иһитиннэрдэ.
Роснефть ПАО НК уонна СӨ Бырабыыталыстыбатын сөбүлэҥнэригэр олоҕуран, аныгы ирдэбилгэ эппиэттиир технологиялаах тэрилинэн хааччыллыбыт үөрэх комплекса «Таас-Юрях Нефтегазодобыча» хампаанньа өйөбүлүнэн тэрилиннэ.
«Кэлиҥҥи сылларга эрэгийиэн тэтимнээхтик сайдар — ньиэби уонна гааһы хостооһуҥҥа дойдуга бэһис миэстэҕэ сылдьабыт. Онон бу салааҕа үрдүк таһымнаах идэтийбит исписэлиистэргэ наадыйыы улахан», — диэн бэлиэтээтэ Ил Дархан Айсен Николаев.
“Ньиэп уонна гаас хостооһунун сайыннарыы уонна үлэлэтии” уонна “Ньиэби уонна гааһы переработкалааһын” хайысхаларга үөрэнэр устудьуоннар тренажердарга практическай дьоҕурдарын сайыннарар уонна эбии үлэ идэлэрин — ньиэп уонна гаас хостооһунун операторын, табаар операторын, тууһу ыраастыыр уонна ууну ыраастыыр установка, насоснай блок оператора эбии идэни баһылыахтара. Маны таһынан, тренажердарга идэлэринэн үлэлии сылдьар устудьуоннар – электриктэр, механизатор-ремонтниктар, технологическай оборудованиены туруорааччылар, приборостроительнай механиктар, слингердар уонна да атын исписэлиистэр дьарыктаныахтарын сөп.
Кэллиэс бэйэтин баазатыгар «Ньиэп уонна гаас хостооһуна», «Ньиэп уонна гаастаах сир үлэтэ», «Ньиэби бэлэмнээһин уонна тиэйии» анал идэҕэ туһуламмыт чемпионаттары ыытар кыаҕы биэриэҕэ.
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…