Андрей Сорокин хаартыската.
2030 сылга диэри Мииринэй улууһун сайыннарыы туһунан Ил Дархан Ыйааҕын чэрчитинэн, муниципальнай тэриллиигэ өссө үс саҥа оскуоланы тутуохтара.
Мииринэй куоракка эрэгийиэн салайааччыта кыттыылаах 1 №-дээх оскуолаҕа сыһыарыы тутуу үөрүүлээх быһыыга-майгыга аһылынна. Онуоха улуус киинигэр уонна атын нэһилиэнньэлээх пууннарга саҥа үөрэх миэстэлэригэр наадыйаллар.
“Саха Өрөспүүлүкэтигэр үөрэҕирии сайдыыта” бырагырааманан 990 миэстэлээх оскуоланы, Мииринэйгэ доруобуйаларынан хааччахтаах оҥолорго интэринээт-сокуоланы уонна Сүлдьүкээр сэлиэнньэтигэр саҥа оскуоланы тутуу былааннанар.
«Мииринэй улууһугар Ыйааҕы олоххо киллэрэргэ биллэ улахан үлэ, ол иһигэр улуус бэйэтин үбүнэн уонна АЛРОСА хампаанньа өйөбүлүнэн, ыытыллар. Төһө да уустуктар баалларын иһин, хамсааһын баар. Биһиги эрэгийиэннээҕи валовай бородууксуйабыт сүрүн чааһын оҥорор дьон өрөспүүбүлүкэ өйөбүлүн куруук билиэхтээхтэр. Бырабыыталыстыба Ыйаах толоруллуутун боппуруостарын былаан быһыытынан быһаарыахтаах, ону олоххо киллэриини хонтуруоллааһыны күүһүрдүөхтээхтэр”, — диэн Айсен Николаев бэлиэтээн эттэ.
Айсен Николаев ону таһынан Оройуоннааҕы киин балыыһа эбийиэктэрин олохтоохтук өрөмүөннээһин, тустаах тэриллэринэн хааччыйыы наадатын, Мииринэйгэ Оҕо ускуустубатын дьиэтин тутууну сүрүн соругунан ааттаата.
Уопсайынан, Ыйааҕы олоххо киллэрии дьаһалларын былаана улуус нэһилиэнньэлээх пууннарын уонна олох-дьаһах сүрүн эйгэлэрин барытын хабар. Билиҥҥитэ Ыйаах 19 тэрээһинэ хайыы үйэ олоххо киллэрилиннэ, 5 – сыл бүтүөр диэри түмүктэнэрэ былааннанар, 100-тэн тахса пуун үлэ түһүмэҕэр сылдьар.
2025 сылга улуус киинигэр ону таһынан Оҕо дыбарыаһын, Политехническай лиссиэй успуорка саалатын тутууну түмүктээһин, “Мииринэй” аэропорт сүрүн дьиэтин үлэҕэ киллэрии былааннаналлар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…