Мииринэй улууһугар тоҕус киһи эчэйиилээх саахал таҕыста

Мииринэй улууһугар муус устар 27 күнүгэр гаас салгыҥҥа төлө баран, саахал таҕыста. Саха сиринээҕи ЫБММ иһитиннэрбитинэн, быһылааҥҥа  тоҕус киһи эмсэҕэлээтэ. 

Саахал   Таас Үрэх сэлиэнньэтиттэн 6 км  сиргэ баар  гаас  скважинатыгар өрөмүөн үлэтин кэмигэр буолбут. Салгыҥҥа көппүт гаас умайан тахсыбыт. Эчэйии ылбыт дьону барыларын улуустааҕы киин балыыһаҕа аҕалбыттар.

Саха сирин борокуратуурата учаастакка куттал суох буолуутун ирдэбиллэрин тутуһууга бэрэбиэркэтин саҕалаата.