Бу күннэргэ бассаапка Мииринэй куорат олохтоохторуттан диэн Ыҥырыы сурук таҕыста. Бассаапка ардыгар төһө да сүүрүҥүй соҕус иһитиннэриилэр баар буолаллар, бу сурукка киһи саарбахтыыра суох. Мииринэйдэр дойдубут инники дьылҕата быһаарыллар уоттаах сэрии бара турдаҕына, биһиги манна нус-хас, тот олорон бу кэлэн иһэр 2023 сылы араас салюта, фейерверэ эҥинэ суох чуумпутук көрсүөҕүҥ диэн ыҥырбыттар. Мин биир бэйэм итиннэ толору сөбүлэһэбин.
Кырдьыга даҕаны онно Украинаҕа хайдах курдук кырыктаах сэрии бара турарын биһиги сураҕын эрэ истэбит. Төһөлөөх эдэр-чэгиэн дьоммут өлөллөрө-сүтэллрэ буолуой?! Оттон биһиги манна уотунан (салюту, фейервери этэбин) оонньуу-оонньуу бырааһынньыктаан, өрөөн өрө тэбэ сытарбыт төһө сиэрдээҕэ эбитэ буолла?…
Ол салюттарга анаан уурулла сытар добуочча бүддьүөт үбүн таах халлааҥҥа ытыахтааҕар уолаттарбытыгар көмөҕө ыытар тоҕо сатаныа суоҕай. Быйылгы Саҥа сылы тэрилтэлэринэн күргүөмнээхтик көрсүүнү оҕолортон уратыга тохтотор туһунан кэпсэтиилэр бараллара биллэр.
Дьиҥинэн, Саҥа сылы көрсүү дьиэтээҕи бырааһынньык диэн буолара. Өссө биһиги, сахалар Эдьиий Дораттан саҕалаан айылгылаах дьоммут ити уоту-күөһү уруккуттан да утараллара, сөбүлээбэттэрэ.
Кырдьык, «Пир во время войны» оҥорумуоҕуҥ дуу…
Чэ, эһиги миигин баалаамаҥ, ити бэйэм тус санаам буоллаҕа.
Борис НИКОЛАЕВ, Сунтаартан
Бу видеоҕа үөр табалар улахан айан суолун туораан, субуһан эрэллэрэ көстөр. Эчи элбэхтэрин, көрөргө бэртээхэй…
Улуу Кыайыы күнүн көрсө, ыам ыйын 8 күнүгэр, Ил Дархан Айсен Николаев «Бэс Чагда» санаторий…
Саха сиригэр Баатаҕай кратера ууллан, кэнники өссө эбии улааппытын бэлиэтээтилэр. Ол курдук, өрөспүүбүлүкэҕэ ирбэт тоҥ…
Андрей Петрович Никифоров аатын сүгэр уулусса интерактивнай бэлиэтин билиһиннэриитэ буолла. Олох диэн улуу күүс, кини…
Бүгүн Абый улууһун олохтоохторо VIII "Азия оҕолоро" норуоттар икки ардыларынааҕы успуорт оонньууларын уотун уруйдуу көрүстүлэр.…
«Азия оҕолоро» норуоттар икки ардыларынааҕы успуорт оонньууларыгар 50-тан тахса тэрээһин култуурунай бырагыраама иһинэн бэс ыйын…