sakha.gov.ru
Мииринэй оройуонугар Бырабыыталыстыба отчуотугар биир аҥаар тыһыынча кэриҥэ киһи кытынна — бу олохтоохтор үрдүк көхтөөхтөрүн көрдөрөр диэн, бырабыыталыстыба бөлөҕүн салайааччыта, СӨ Бырабыыталыстыбатын Бэрэссэдээтэлин солбуйааччыта Ольга Балабкина бэлиэтээтэ.
Түмүк отчуот ааспыт күн Мииринэйгэ буолан ааста. СӨ бырабыыталыстыбатын вице-премьера оройуоҥҥа ситиһиллибит үтүө түмүктэри бэлиэтээтэ. Ааспыт сылга Дьиэ кэргэҥҥэ элбэх өйөнү оҥорор киин аһыллыбыт, оскуола таһынааҕы успуорт саалата үлэҕэ киирбит. Салайааччы экология боппуруостарыгар туспа тохтоото, ол иһигэр «Күөх чэппиэр» бырайыакка.
Отчуокка оройуон олохтоохторо социальнай уонна экэнэмиичэкэй сайдыыга сыһыаннаах хас да ыйытыыны биэрдилэр, онно Бырабыыталыстыба чилиэннэриттэн толору хоруйдары ыллылар.
Отчуоттан ураты, СӨ бырабыыталыстыбатын Бэрэссэдээтэлин солбуйааччыта Ольга Балабкина Мииринэй оройуонун социальнай-экэнэмиичэскэй сайдыытыгар мунньах ыытта, 2022 сыл атырдьах ыйыгар Ил Дархан Айсен Николаев илии баттаабыт «СӨ Мииринэй оройуонун 2030 сылга диэри сайыннарар туһунан» Саха сирин Ил Дарханын стратегическай ыйааҕын олоххо киллэриини кэпсэттилэр.
«Мииринэй оройуонун сайдыытыгар уларыйбыт экэнэмиичэскэй балаһыанньаны кытта сибээстээх атын боппуруостар эмиэ бааллар. Сорох ыйытыылар нуормалары уларытыыны эрэйэллэр. Олору быһаарарбыт туһугар кэпсэтэбит. Холобур, бүгүн биир сытыы боппуруоһунан чэпчэтиилээх эмтэринэн хааччыйыы хаалар. Өрөспүүбүлүкэ Доруобуйа харыстабылын министиэристибэтэ оҥорбут саҥа тиһигэ үлэлиэҕэ, дьон наадалаах эмтэринэн хааччыллыахтара», — диэн тэрээһин түмүктэрин өрөспүүбүлүкэ Бырабыыталыстыбатын вице-премьера быһаарда. Сиһилии манна ааҕыҥ: https://www.sakha.gov.ru/news/24596
Швейцария күрэсчиттэрэ биир күҥҥэ икки кыһыл көмүс мэтээли ылан, уопсай көрдөрүүгэ иккис миэстэҕэ таҕыстылар. Италияҕа…
2018-2025 сылларга Саха сиригэр 62 саҥа култуура эбийиэгэ аһылынна, онтон үгүстэрэ “Култуура” национальнай бырайыак иһинэн…
Олунньу 4 күнүгэр патриотическай тыыны иитии ыйын чэрчитинэн, Саха гимназиятыгар 3-10 кылаастарга кэккэнэн хаамыыны уонна…
Дьокуускай куорат киинигэр массыынаны туруоруу төлөбүрдээх буолуо. Бу саҥа уларыйыыны суол быраабылатын мэлдьи кэһэр суоппардары…
Ил Дархан Айсен Николаев Нерюнгрига федеральнай уонна эрэгийиэннээҕи стратегическай докумуоннары олоххо киллэрэр мунньаҕы ыытта. Онно…
ИДьМ сулууспатын 1 №-дээх полиция отделын дьуһуурунай чааһыгар маркетплейс бэрэстэбиитэлиттэн 200 тыһыынча солкуобайтан тахса суумаҕа…