Мииринэйгэ 17 суоппар массыына ыытар бырааптанан бүттэ

Мииринэй борокуратуурата суолга сэрэхтээх буолуу сокуонун тутуһууну бэрэбиэркэлээтэ диэн СӨ Борокуратууратын телеграм-ханалыгар суруйаллар.

Быһаарыллыбытынан, Мииринэй оройуонугар олорор суоппар бырааптаах 17 киһи  нарколог уонна психиатр быраастарга учуокка турар эбит. Кинилэр тырааныспары ыытарга мэһэйдиир араас диагнозтаахтар.

Суол саахала тахсыбатын уонна дьон доруобуйата эчэйбэтин диэн, бу дьон тырааныспары ыыппаттарыгар Мииринэй куорат борокуратуурата суукка иск түһэрбит.

Суут ону толору ылыммыт.