Андрей Сорокин хаартыскаҕа түһэриитэ, ЯСИА
Мииринэйгэ аэропорт комплексын тутуутун 2027 сылга бүтэрэр соруктаахтар.
Саха сирин Ил Дархана А.С.Николаев Мииринэйгэ үлэтинэн тиийэ сылдьан аэропорт комплексын тутуутун билистэ.
Бу «Көдьүүстээх тырааныспар тиһигэ» бырайыагынан тутулла турар. Бүгүҥҥү күҥҥэ үлэ 65,73% бэлэм. 2856 миэтэрэ уһуннаах искусственнай сабыылаах көтөр-түһэр балаһаны оҥорууга, перрону тутууга, метеотэрил тиһигин монтажтааһыҥҥа, уо.д.а. үлэ барар.
Маны сэргэ, аэровокзал комплексын тутууга терминалы уонна инженернэй ситими оҥороллор. Манна үлэ 64% бэлэм, үлэ кыраапыгынан баран иһэр.
Ил Дархан Айсен Николаев хаачыстыбаҕа уонна үлэни болдьоҕор толорууга улахан болҕомтону ууралларыгар соруйда.
Санатан эттэххэ, Мииринэй аэропордун комплексын таһынан, 2025 сылтан Саха сиригэр өссө икки аэропорду саҥалыы уларытан оҥорууга үлэ ыытыллар. Бу Полярнайга уонна Өлүөхүмэҕэ. 2026-2030 сс. өссө түөрт аэропорду — Зырянкаҕа, Маҕаҥҥа, Ньурбаҕа, ону таһынан Полярнайга иккис уочараты саҥардан оҥоруу көрүллэр.
2019-2024 сс. «Эрэгийиэннэр аэропортарын сайыннарыы» федеральнай бырайыак иитинэн Саха сиригэр 11 аэропорт саҥардыллыбыта. Ол курдук бу Дьокуускайга, Черскэйгэ, Эдьигээҥҥэ, Хаандыгаҕа, Үөһээ Бүлүүгэ, Бүлүүгэ, Депутатскайга, Сангаарга, Нерюнгрига, Уус Ньараҕа, уо.д.а.
2025 сылтан өрөспүүбүлүкэҕэ аэропорт ситимнэрин сайыннарыы үлэтэ тиһиктээхтик салҕанар.
Сиһилии: https://www.sakha.gov.ru/news/8565
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, ЯСИА
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…