Мииринэйгэ алимены төлөөбөтөх дьахтары көрдүүллэр

Мииринэй оройуонун суута Мииринэйдээҕи УФСИН этиитинэн бириигэбэри атын кытаанах көрүҥүнэн солбуйарга өйөөтө.

Суут быһаарыытынан, былырыын РФ ХК 1 ч. 157 ыст. буруйдааҕынан билиниллибит уонна судаарыстыба дохуотугар хамнаһыттан 10 %-нын тутарга, 6 ый устата эбэһээтилинэй үлэҕэ тардылларга уураахтаммыт.

Ол эрээри, учуокка турар дьахтар бэрээдэги тутуспатах уонна буруйу боруостааһын усулуобуйатын кэспит, холуобунай-исполнительнай инспекцияҕа эбэһээтилинэй үлэҕэ тиийбэтэх, сэрэтиилэри ылымматах. Суут мунньаҕар дьахтар эмиэ кэлбэтэх.

Суут дьахтар матырыйаалларын үөрэтэн баран, накаастабылы солбуйан холуонньа-поселениеҕа 2 ый болдьоххо көҥүлүн быһарга уураахтаата. Билиин буруйдаах дьахтары көрдүүллэр. Суут уурааҕа сокуоннай күүһүгэр киирдэ, диэн Мииринэй суутун пресс-сулууспата иһитиннэрэр.