Мииринэйгэ аралдьытар киин дьиэтигэр уот турбут

Олунньу 3 күнүгэр сарсыарда эрдэ ЫБММ сүрүн управлениетыгар Мииринэй куоракка Ойуунускай уулуссаҕа турар аралдьытар киин дьиэтигэр уот турбутун туһунан иһитиннэрии киирбит. Бу туһунан ЫБММ пресс-сулууспата суруйар.

Алта мүнүүтэнэн  ЫБММ 3-с нүөмэрдээх баһаарынай-быыһыыр этэрээтэ быһылаан тахсыбыт сиригэр тиийбит. Уот сыһыары тутуллубут гарааһы уонна киин кырыыһатын сиэбит. Билиҥҥи туругунан баһаары умуруораллар, умайбыт сабаҕаланар иэнэ 470 кв.м. тэҥнэһэр. Эмсэҕэлээбит киһи суох, баһаар тахсар кэмигэр дьиэҕэ ким да суоҕа биллибит. Баһаары умуруорууга тус састааптан 32 киһи уонна 8 анал тиэхиньикэ тардылынна. Иһитиннэрии чуолкайданар.