Мииринэй оройуонун Арыылаах сэлиэнньэтигэр аҕыс олорор дьиэ тиэргэнэ ууга барбыт

Мирнэй оройуонугар Арыылаах сэлиэнньэтигэр Оччугуй-Ботуобуйа өрүскэ уу таһыма эмискэ үрдээн, 8 ыал тэлгэһэтин халаан уута ылбыт. Бу туһунан Саха сиринээҕи ЫБММ иһитиннэрэр.

Дэриэбинэ территориятыгар үрдүк бэлэмнээх эрэсиим биллэриллибит. Олохтоохторо быстах кэмҥэ олорор дьиэлэргэ көһөртөн аккаастаммыттар. Балаһыанньа бигэ туруктаах, маннык көстүү сыл ахсын хатыланар диэн бэлиэтииллэр.