Мииринэйгэ байыаннай дьайыы кыттыылааҕын көрүстүлэр

Миирнэй аэропордугар байыаннай эпэрээссийэ буола турар сириттэн дойдутугар уоппускаҕа кэлбит байыаһы көрүстүлэр.

Байыас байыаннай дьайыыга барыан иннинэ слесарь-ремонтник дуоһунаһыгар үлэлии сылдьыбыт. Аэропортка кинини «Якутскэнерго» арҕаатааҕы филиалын сүрүннүүр инженерэ Алексей Аникин көрүстэ.

«Биһиги байыаннай эпэрээссийэҕэ кытта сылдьар үлэһиттэрбитин куруутун киэн тутта көрсөбүт уонна кинилэр ытык иэстэрин этэҥҥэ толоро сылдьалларыттан үөрэбит», — диэн Алексей Аникин бэлиэтээтэ.

Байыас дойдутугар Таас Үрэххэ сынньана барар былааннаах.