Хаартыска: ЯСИА
Ааспыт суукка иһигэр ойуур баһаарын умуруорар сулууспалар көдьүүстээх үлэлэрин түмүгэр Мииринэйгэ 1 156 гектар иэннээх улахан ойуур баһаара бохсулунна.
Муниципальнай тэриллиигэ ыксаллаах быһыы-майгы эрэсиимэ көтүрүлүннэ. Маннык иһитиннэриини суһал ыстааба иһитиннэрэр. Ону таһынан, Эдьигээн улууһун сиригэр-уотугар уопсайа 1,3 тыһыынча гектартан тахса уокка ылларбыт иэннээх биир ойуур баһаара умуруорулунна. Өрөспүүбүлүкэ үрдүнэн суукка саҕаланыытыгар Үөһээ Дьааҥы, Бүлүү, Үөһээ Халыма, Кэбээйи, Эдьигээн, Мииринэй, Өлүөхүмэ, Өлөөн, Уус Алдан, Орто Халыма уонна Томпо улуустарыгар 14 781 гектар иэннээх сиргэ 23 ойуур баһаара умайа турар. Ойуур баһаардарын умуруорууга 508 киһи уонна 5 тиэхиньикэ тардылынна.
Көтөр аалынан кэтээн көрүүгэ 15 салгын суудуната, оттон баһаары умуруорууга 3 суудуна кыттара былааннанар. Баһаар кутталлаах кэмэ саҕаланыаҕыттан ойуур пуондатын сирдэригэр уопсайа 162 482 гектар иэннээх 350 баһаар умуруорулунна. СӨ Ил Дарханын Ыйааҕынан бэс ыйын 5 күнүттэн өрөспүүбүлүкэ сиригэр-уотугар ураты ойуур баһаарыттан сэрэхтээх буолуу эрэсиимэ киллэриллибитэ. Ону таһынан, ураты баһаартан сэрэхтээх буолуу эрэсиимнэр Өлүөхүмэ, Чурапчы, Уус Алдан уонна Эбээн-Бытантай улуустарыгар, ону тэҥэ «Жатай» уокуругар олохтоннулар.
Ойуур баһаарыттан ыксаллаах быһыы-майгы эрэсиимэ Уус Алдан улууһун сиригэр-уотугар үлэлиир. Ойуур баһаарыттан сэрэхтээх буолуу эрэсиимэ саҕаланыаҕыттан айылҕа баһаарын 73 буруйдааҕа быһаарылынна, ойуурга баһаартан сэрэхтээх буолуу быраабылаларын кэспит иһин 152 боротокуол оҥоһулунна. Айылҕа баһаарын буллаххытына, Ойуур хаһаайыстыбатын диспетчерскэй сулууспатыгар бу нүөмэринэн тутатына биллэриҥ: 7-4112-44-74-76. Ону таһынан ойуур харыстабылын биир кэлим нүөмэригэр эрийиэххитин сөп: 8-800-100-94-00.
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…