Мииринэйгэ үөрэх кластера тэриллиэҕэ

Маннык үөрэх кластерын арыйыы туһунан Ил Дархан ыйааҕар этиллэринэн Мииринэй оройуонун 2030 сылга диэри сайыннарыы торумугар көстөр. Айсен Николаев бэлиэтииринэн, кластер бырамыысыланнай тэрилтэлэри кытта ыкса үлэлииригэр идеологиятын быһаарыы сүрүн оруоллаах.

Кэллиэскэ  орто звено исписэлиистэрин бэлэмнииргэ 18 бырагыраама үлэлиир. Ону сэргэ үрдүк таһымнаах үлэһиттэри, оробуочайдары бэлэмнииргэ 14  бырагыраама баарр.  Сүрүн сакаасчытынан АЛРОСА АХ буолар. Билиҥҥи туругунан манна 1200 киһи үөрэнэр.

Бүтэһик сылларга ньиэп, гаас салаатыгар үөрэтэргэ «Цифровая экономика Российской Федерации» диэн национальнай бырагыраама чэрчитинэн саҥа хайысхалар эбиллэн иһэллэр. Ааспыт сылга бу кэллиэс РФ Бырабыыталыстыбатын бириэмийэтин лауреата буолбута. Икки сыл субуруччу бириэмийэни ылбыта.