Хаартыска: ЯСИА.
Ааспыт сууккаҕа Мииринэй оройуонугар 0,5 гаа иэннээх сиргэ биир ойуур баһаарын умуруордулар. Бу туһунан СӨ экологияҕа, айылҕаны туһаныыга уонна ойуур хаһаайыстыбатын миниистирин солбуйааччы Андрей Коноплев от ыйын 22 күнүгэр брифиҥҥэ эттэ.
2025 сыл от ыйын 22 күнүнээҕи туругунан, өрөспүүбүлүкэҕэ 1462,5 га иэннээх сиргэ 10 ойуур баһаара умайар. Баһаардары умуруорууга 306 киһи уонна 14 биригээдэ тиэхиньикэ үлэлии сылдьаллар. Былырыын баччаларга өрөспүүбүлүкэҕэ 658,9 тыһыынча гаа иэннээх сиргэ 76 баһаар умайар этэ. Уопсайа баһаар сезона саҕаланыаҕыттан, 64 199,59 га иэннээх иэннээх 369 айылҕа баһаарын умуруордулар, ол иһигэр уопсайа 56677,55 га иэннээх сиргэ ойуур пуондатын сирдэригэр 178 ойуур баһаара турбут.
Ил Дархан ыйааҕынан, Саха сиригэр бэс ыйын 5 күнүттэн баһаары утары ураты эрэсиим олохтоммута. Дьааҥы, Өлүөхүмэ, Чурапчы, Эбээн-Бытантай улуустарыгар, Жатайга баһаары утары территориальнай эрэсиим олохтоммута. Сунтаар улууһун сиригэр-уотугар 2025 сыл от ыйын 20 күнүгэр ойуурга ыксаллаах быһыы-майгы эрэсиимэ киирдэ.
Уопсайа сезон саҕаланыаҕыттан айылҕа баһаарын 65 буруйдаахтара быһаарылыннылар, ойуурга баһаартан куттал суох буолуутун быраабылаларын кэһии иһин 143 боротокуол оҥоһулунна.
Айылҕа баһаара билиннэҕинэ, тута Эрэгийиэннээҕи ойуур хаһаайыстыбатын диспетчерскэй сулууспатыгар 7 (4112) 44-74-76 нүөмэргэ уонна биир ойуур харыстабылын нүөмэригэр — 8-800-100-94-00 эрийиҥ.
Сиһилии: https://www.sakha.gov.ru/news/8675
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…