Мииринэйгэ быһаҕынан анньан эр киһини өлөрдүлэр

Ааспыт сууккаҕа Саха сиригэр 6 буруйу оҥоруу бэлиэтэммитин туһунан Борокуратуура иһитиннэрэр.

Мииринэйгэ атахха быһаҕынан анньыллыбыт эр киһи өлүгүн буллулар. Киин куоракка төбөтүн эчэппит 1979 с.т. эр киһи балыыһаҕа киллэрилиннэ.

Дьокуускайга эрэстэрээнтэн суотабай төлөпүөнү, кыбартыыраттан икки тэлэбиисэри уордулар. Итиэннэ арыгы иһэн баран уруулга олорбут киһи хаттаан тутулунна.

Ленскэй оройуонун олохтооҕун ФСБ үлэһитэбин диэн албыннаан, 340 тыһ.солк. кимэ биллибэт киһи суйдаабыт.

Бүлүү улууһугар суол саахалыгар суоппар суорума суолланна. Кини тырааныспарын сатаан салайбакка, суол утары балаһатыгар тахсан атын массыынаҕа тиийэн түспүт.

Суукка иһигэр итирик туруктаах 14 суоппар тутулунна.