Хаартыска: sakha.gov.ru ылылынна
СӨ Бырабыыталыстыбатын отчуота олунньу 10-11 күннэригэр Мииринэйгэ ыытыллар. Бөлөҕү СӨ Бырабыыталыстыбатын бэрэссэдээтэлин солбуйааччы Ольга Балабкина салайан илдьэ сылдьар.
Бүгүн, олунньу 10 күнүгэр, бөлөҕүнэн арахсан үлэлииллэр. Айхал, Сүлдьүкээр, Чернышевскай, Светлэй уонна Удачнай олохтоохторун көрсүөхтэрэ.
Ольга Балабкина салайааччылаах бастакы бөлөх Айхал уонна Удачнай олохтоохторун көрсөр. СӨ баайга-дуолга уонна сир сыһыаныгар миниистир Павел Багынанов салайааччылаах иккис бөлөх Сүлдьүкээргэ отчуоттуур, дьону-сэргэни көрсөр. СӨ ОДьКХ уонна энергетикатын миниистирин солбуйааччы Наталия Готовцева салайааччылаах үһүс бөлөх Чернышевскай уонна Светлэй олохтоохторугар отчуоттуо, олохтоохтор санааларын истиэ.
Сарсын Таас Үрэххэ, Алмазнайга, Мииринэйгэ отчуоту күүтэллэр.
Санатан эттэххэ, СӨ Бырабыыталыстыбатын отчуота олунньу 3 күнүттэн саҕаламмыта уонна кулун тутарга диэри ыытыллар. Саха сирин олохтоохторо ыйытыыларыгар хоруйдары ылыахтара. Отчуот түмүгүн «Саха» НКИХ ханаалларыгар көрдөрүөхтэрэ.
Кыраапыгы сиһилии бу сигэнэн кирэн көрүөххэ сөп: https://www.sakha.gov.ru/news/front/view/id/3480409.
СӨ Ил Дарханын уонна Бырабыыталыстыбатын пресс-сулууспата
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…
Кэлэн иһэр саргылаах Саҥа дьылы көрсө Үрүҥ Айыы сылынан (Кытай халандаарынан – Кыһыл ат сыла)…
Саха сиригэр суукка иһигэр буруйу оҥоруу туһунан икки иһитиннэрии бэлиэтэннэ. Бу туһунан СӨ Борокуратуурата иһитиннэрэр.…
Ахсынньы чахчы да аам-даам тымныыта күүһүрэн, нэдиэлэттэн ордук кэм устата 1-8 кылаас оҕолоро Дьокуускайга,…
Айсен Николаев социальнай суолталаах ас-үөл табаардарын тиэйиини тэрийиигэ мунньах ыытта уонна Арктика улуустарын олохтоохторугар дьоҕус…