Мииринэйгэ дьахтар түөкүттэргэ 10 мөл.солк. албыннаппыт

Мииринэйгэ түөкүттэр дьахтары 10 мөл.солк. албыннаабыттар. 50 саастаах дьахтар харчы кирэдьиит ылан инвестицияҕа ыытабын дии санаан, түөкүттэр угаайыларыгар киирэн биэрбит. Бу туһунан СӨ Борокуратуурата иһитиннэрэр.

Түөкүттэр бу дьахтары 2025 сыл олунньутуттан муус устарыгар диэри буулаабыттар.

Мииринэй куорат борокуратуурата дьахтары кытта кэпсэппит. Онуоха кини түөкүннээһин араас көрүҥэ баарын билэрин, ол эрээри инвестицияҕа киирэн биэрии көрүҥүн туһунан билбэккэ албыннаппытын туһунан кэпсээбит.

Билиҥҥитэ холуобунай дьыала тэриллэн, силиэстийэ ыытыллар.