Мииринэйгэ эр киһи уокка оҕустарда

Дьуһуурунай борокуруор иһитиннэрбитинэн, суукка устата буруйу оҥоруу туһунан 12 иһитиннэрии бэлиэтэммит.

Ол курдук, Нерюнгри куоракка 1975 с. т. эр киһини эчэппит буруйдааҕы булбуттар.

Дьон харчытыгар суудайар түөкүттэр түөрт киһиттэн 2,8 мөл солкуобай харчыны ФСБ, Росфинмониторинг, Биэнсийэ пуондата, сибээс опеатора буолан кубулунан, сойбоппуттар.

Дьокуускайга даҕаны түөкүн 13000 солк. харчылаах кумааһынньыгы уоран ылбыт. Мэҥэ Хаҥалас оройуонугар наркотигынан эргинии бохсуллубут.

Дьокуускайга уонна Алдан оройуонугар итирик туруктаах сылдьан тырааныспары хаттаан ыытан тутуллубуттар.

Суолга киһи өлүүлээх быһылаан тахсыбатах. Ол эрээри аҕыс суоппар итирик туруктаах сылдьан тырааныспары ыыппыт.

Хомойуох иһин, Мииринэй куорат Арҕааҥҥы уот ситимин ыстаансыйатын территориятыгар өрөмүөн үлэтин ыыта сылдьан 1980 с.т. эр киһи уокка оҕустаран, суорума суолламмыт.