Хаартыска: Ил Дархан, бырабыыталыстыба пресс-сулууспата.
Саха сирин биллэр судаарыстыбаннай диэйэтэлэ Гаврил Иосифович Чиряев 100 сылыгар аналлаах тэрээһиннэрин былаанын чэрчитинэн Мииринэйгэ гражданскай өрөбүллэр ыытыллаллар.
Бүгүн, кулун тутар 14 күнүгэр, РФ Юстициятын министиэристибэтин уонна РФ УФНС управлениетын федеральнай уонна эрэгийиэннээҕи граннар куонкурустарыгар үөрэтэр сэминээрдэр буоллулар, ону таһынан социальнай бырайыактарга маастар-кылаастар эмиэ ыытылыннылар.
«Взаимодействие общества и власти: ресурсы для ресурсов» былаһааккаҕа оройуон муниципальнай тэриллиилэрин баһылыктарын кытта көрсүһүү ыытыллыаҕа. Тэрээһиннэргэ кэммиэрчэскэйэ суох тэрилтэлэр бэрэстэбиитэллэрэ, гражданскай активистар, салайааччылар уонна муниципальнай тэрилтэлэр исписэлиистэрэ кытталлар.
Сарсын, кулун тутар 15 күнүгэр, Ил Дархан гражданскай уопсастыбаны сайыннарыыга граннарын кыайыылаахтарын кытта көрсүһүүлэр, ол чэрчитинэн бырайыактары олоххо киллэриигэ видеороликтары оҥоруу буолар. Ону сэргэ стратегическай сиэссийэҕэ Мииринэй оройуонун сайдыытын боппуруостарын дьүүллэһиэхтэрэ.
Арассыыйа Дьоруйоу Николай Евдокимов оройуон оскуолаларын үөрэнээччилэрин, педагогтары, волонтердары кытта «Биһиги бииргэ» ыстаабка волонтердары кытта көрүстэ.
Г.Н. Трошев аатынан кадетскай интэринээт-оскуолаҕа Николай Евдокимов Дьоруой Виктор Давлятшин баартатын арыйыыга кыттынна. Оскуола выпускнига анал байыаннай дьайыыга 37-с мотострелковай биригээдэ артиллерийскай подразделениетын састаабыгар байыаннай соруктары толорбута. «Град» бойобуой массыына командира этэ.
Кини хорсун быһыытынан Арассыыйа байыастара өстөөҕү куоттарбыттара уонна нэһилиэнньэлээх пууну босхолуур кыаҕы ситиспиттэрэ.
«Гражданскай өрөбүллэр» Саха сирин оройуоннарыгар кэммиэрчэскэйэ суох тэрилтэлэри сайыннарыыга, былаас аһаҕас буолуутун үрдэтиигэ, төттөрү сибээһи тэрийиигэ уонна муниципалитеттары кытта бииргэ үлэлээһини сайыннарыыга ыытыллаллар. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
2025 сылга Саха сиригэр "Земскэй култуура үлэһитэ" федеральнай бырагырааманан 11 улууска 11 кубуота көрүллүбүтэ. Бастакы…
Арассыыйа Сэлиэстийэлиир кэмитиэтин Саха сиринээҕи салаатын Дьааҥы оройуоннар икки ардыларынааҕы силиэстийэлиир отделынан 45 саастаах эр…
«Черскэй бөһүөлэгин баһылыгын дуоһунаһыгар анал байыаннай дьайыыга кыттыбыт икки дьоһуннаах хандьыдаат туруоруммуттара. Быыбар кыайыылааҕынан Петр…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саха Өрөспүүбүлүкэтин Ил Дархана Айсен Николаев «Быһа лииньийэтигэр» ыытыллыбыт сылларыгар олохтоохтортон 10 тыһыынчаттан тахса ыйытыы…
Сайын устата кыстыкка бэлэмнэнии араас хайысхалаахтык ыытыллан, оттук сезона саҕаланна. Биллэн турар, барыта эриэ-дэхси буолбатах…