Мииринэйгэ икки киһи уокка былдьанна

Мииринэй оройуонун Заря бөһүөлэгэр бэҕэһээ, ахсынньы 8 күнүгэр, элбэх кыбартыыралаах мас дьиэҕэ баһаар таҕыста. Ол түмүгэр икки киһи суорума суолланна.

Сабаҕалааһынынан, баһаар төрүөтүнэн уоту сэрэҕэ суохтук туттуу буолар диэн ЫБММ пресс-сулууспата иһитиннэрэр.

Уот 340 кв.м иэни хаппыт. Баһаары умулларыыга 35 киһи, 9 тиэхиньикэ үлэлээбит. Быһылаан тахсыбыт балаһыанньатын ЫБММ дознавателэ быһаарыаҕа. Борокуруор бэрэбиэркэтэ саҕаламмыт.