Мииринэйгэ киһи өлүүлээх суол быһылаана таҕыста

От ыйын 18 күнүгэр эбиэт кэннэ Мииринэй улууһугар «Бүлүү» федеральнай суол 1221 км «УАЗ» массыына суолтан туораабыт, эмсэҕэлээбит дьон бааллар диэн Гоставтоинспекция пресс-сулууспата иһитиннэрдэ.

1975 с.т. суоппар «УАЗ» массыынанан Мииринэйтэн Ленскэй куоракка түргэн тэтимнээхтик айаннаан иһэн «Бүлүү» 1221 км федеральнай суолтан туораабыт, массыына түҥнэстибит. Айаннаан иһэн уҥа кэнники биир көлөһөтө тэстибитэ быһаарылынна.

Быһылаан түмүгэр массыынаҕа кэннигэр айааннаан испит 52 саастаах эр киһи  суһал көмө кэлиэр диэри суорума суолламмыт. Ону тэҥэ үс пассажир уонна суоппар, 1983, 1985 уонна 1993 с.т. эр дьоннор, араас эчэйиилээх Мииринэйдээҕи киин балыыһаҕа киирбиттэр.

Бэрэбиэркэ кэмигэр «УАЗ» массыына суоппара 29 сыл ыстаастааҕа уонна эмсэҕэлээбит пассажирдар курунан баанан олорбуттара билиннэ. Быһылаан төрүөтүнэн  силиэстийэ ыытыллар.