Мииринэйгэ киһини өлөрбүт дьахтар 7 сылга көҥүлэ быһылынна

Мииринэй куорат борокуратуурата 52 саастаах олохтоох дьахтар холуобунай дьыалатыгар судаарыстыбаннай буруйдааһынын өйөөтө. Кини РФ ХК 1 ч. 105 ыст. буруйданар.

Суут быһаарыытынан, дьахтар 2025 сыл тохсунньутугар арыгы иһэн баран, эр киһини быһаҕынан түөскэ анньыбыт уонна диафрагматын, ойоҕоһун уҥуоҕун, куртаҕын, быарын таарыйбыта быһаарылынна. Эмсэҕэлээбит киһи ылбыт эчэйиилэриттэн миэстэтигэр өлбүт.

Суут судаарыстыбаннай буруйдааччы этиитин учуоттаан, буруйдааҕы 7 сылга уопсай эрэсиимнээх холуонньаҕа көҥүлүн быһарга уураахтаата. Суут бириигэбэрэ сокуоннай күүһүгэр киирэ илик. Холуобунай дьыаланы Мииринэйдээҕи ИДьМ силиэстийэлээччитэ силиэстийэлээтэ диэн СӨ Борокуратууратын пресс-сулууспата суруйар.