Удачнайга маҕаһыынтан аһаҕастык фрукта уорбут дьахтар тутулунна

Мииринэй оройуонун ИДьМ полициятын Удачнайдааҕы отделениетыгар Удачнай куорат биир маҕаһыынын үлэһитэ сайабалыанньа суруйбут. Дьахтар иһитиннэриитинэн, бииллибэт дьахтар атыы-эргиэн биир туочукатыттан бородуукта уорбут. Хоромньу суумата  -2 230 солк.

Холуобунай ирдэбил үлэһиттэрэ буруйу оҥорууга уорбаланыыга хас да төгүл сууттана сылдьыбыт 40 саастаах олохтоох дьахтары туппуттар.

Силиэстийэ чахчыларынан, быһылаан күнүгэр уорбаланааччы итирик туруктаах сылдьан, бородуукта маҕаһыыныттан аһаҕастык фрукта тутан тахсыбыт. Атыылааччы этиитинэн табаары төлүүртэн куотуммут уонна куоппут.

Холуобунай дьыала тэрилиннэ, дьахтар 4 сылга диэри көҥүлэ быһыллыан сөп.