Мииринэйгэ массыынаны күрэппит үс эр киһи сууттанна

Суутунан быһаарыллыбытынан, үс эр киһи итирик туруктаах сылдьан, хатааһылыырга уонна арыгы атыылаһа маҕаһыыҥҥа барарга сананан,  бааза сириттэн салайааччы «Toyota Land Cruiser» мааркалаах массыынатын күрэппиттэр.

Онуоха, сууттанааччылартан биирдэстэрэ РФ Холуобунай кодексатын 264.1 ыстатыйатынан буруйу оҥорон, итирик туруктаах уруулга хаттаан олорбут, диэн СӨ Борокуратуурата иһитиннэрэр. Күрэтиллибит массыынаны полиция үлэһиттэрэ «Анабар» суол 115-с км тохтоппуттар. Судаарыстыбаннай буруйдааччы этиитин учуоттаан, суут сууттанааччылартан биирдэстэрин, урут сууттаммытын учуоттаан, 2 сыл 6 ыйга кытаанах эрэсиимнээх холуонньаҕа көҥүлүн быһарга ураахтаата. Иккис киһи 2 сыл 4 ыйдаах күһэлэҥ үлэҕэ уураахтанна, оттон үһүс киһиэхэ 250 тыһ. солкуобай кээмэйдээх ыстараап ананна.