Мииринэйгэ ньиэп тохтубут

Бэҕэһээ, олунньу 28 күнүгэр, күнүс 15:16 чааска Мииринэй оройуонугар турба алдьанан, ньиэп тохтубутун туһунан иһитиннэрии киирбит. Саахал чопчу тахсыбыт миэстэтэ чуолкайданар.

Быһылаан буолбут сиригэр экологическай кэтэбил иниспиэктэрдэрэ уонна полиция үлэһиттэрэ быһылаан содулларын туоратыыга  суһаллык тиийбиттэр. Бу туһунан СӨ Экологияҕа министиэристибэтэ иһитиннэрэр.

Экология, айылҕаны туһаныы уонна ойуур хаһаайыстыбатын миниистирэ Евгений Перфильев балаһыанньаны тус хонтуруолугар ылла. Билигин тулалыыр эйгэҕэ дьайыытын уонна саахалы туоратыыга наадалаах тэрээһиннэр ыытыллаллар. Быһылаан төрүөтүн уонна содулларын туһунан эбии иһитиннэрии чинчийии түмүктэрин кэнниттэн тахсыаҕа. Биэдэмистибэ тахсыбыт быһылааны ураты хонтуруолга тутар уонна суһаллык иһитиннэрэ турар.