Мииринэйгэ ньиэп тохтубатаҕа быһаарылынна

Мииринэйдээҕи баһаарынай-быыһыыр этэрээт суһал бөлөҕө полицияны, борокуруору, куорат уонна оройуон дьаһалталарын, Иркутскайдааҕы ньиэп хампаанньатын бэрэстэбиитэллэрин кытары ньиэп турбата тоҕо барбытын туһунан иһитиннэриинэн бэрэбиэркэ ыытта.

Санаттахха, бэҕэһээ, олунньу 28 күнүгэр, Мииринэй оройуонугар быһа сабаҕалаан «Интернациональнай» рудник аттыгар турба алдьаммытын уонна ньиэп борлдууктатата тарҕаммытын туһунан биллэрбиттэрэ. Бэрэбиэркэ түмүгүнэн ньиэп тохтубатаҕа, турба алдьамматаҕа быһаарылынна. Бу туһунан Саха сиринээҕи ЫБММ пресс-сулууспата иһитиннэрэр. Итини таһынан «Востокнефтепровод» магистральнай ньиэп ситимин дьуһуурунайын кытары бииргэ үлэлээһин тэриллэн, иһитиннэрии чахчыта бигэргэммэтэ.