Мииринэйгэ оҕону ыт ытырбытынан олохтоох дьаһалта ыстарааптанна

Мииринэйдээҕи борокуратуура хаһаайына суох кыылларга эппиэтинэстээхтик сыһыаннаһыы туһунан сокуону тутуһууну бэрэбиэркэлээтэ.

Бэрэбиэрэкэ түмүгүнэн, Мииринэй куоракка олохтоох дьаһалта сокуон ирдэбилин толорботоҕун түмүгүнэн, бэйдиэ сылдьар ыт саба түһэн 10 саастаах оҕону ытырбыт.

Итинэн сибээстээн, суут быһаарыытынан «Мииринэй куорат» МТ дьаһалтата ыкка ытыттарбыт кыыс оҕо аатыгар 55 тыһ. солк. суумалаах моральнай хоромньуну толуйарга уураахтанна.

Суут быһаарыыта сокуоннай күүһүгэр киирэ илик. Бу туһунан СӨ Борокуратууратын пресс-сулууспата суруйар.