Хаартыска: sakha.gov.ru
Олунньу 12 күнүгэр Мииринэй оройуонугар СӨ Бырабыыталыстыбатын отчуотун кэмигэр СӨ Бырабыыталыстыбатын Бэрэссэдээтэлин солбуйааччы Ольга Балабкина «МЫ ВМЕСТЕ» ыстаап воолонтер-дьахталларын кытары көрүстэ.
«Манна эр санаалаах дьахталлар үлэлииллэр. Биһиги байыастарбытыгар уонна кинилэр дьиэ кэргэттэрин өйөөһүҥҥэ бириэмэ буларгыт, күүс-көмө буоларгыт иһин улахан махтал», — диэтэ Ольга Балабкина.
Мииринэй оройуонун «МЫ ВМЕСТЕ» ыстаабын салайааччыта Лариса Иванова этэринэн, волонтердар 2,5 сыл анараа өттүгэр түмсэн байыастары өйүүргэ үлэлээбиттэр. Ол гынан баран, чуолаан, «МЫ ВМЕСТЕ» хамсааһын ыстааба сыл анараа өттүгэр – 2024 сыл тохсунньу 31 күнүгэр тэриллибит.
«Биһиги байыастары кытта сибээстэһэн, кинилэргэ туох көмө наадатын мэлдьи чуолкайдаһабыт. Холобур, билигин маскировкалыыр сиэккэлэри оҥоруу саҕаланна, ол гынан баран уратыта диэн тепловизорга көстүбэт анал матырыйаалынан оҥоһуллар», – диэтэ кини.
Мииринэйдээҕи волонтердар иистэнэр сыахтарыгар байыаннай госпиталларга анаан таҥаһы тигэллэр.
«Үгүстэр наһыылка, таҥас, тактическай аптечкалары тигэр эбит буоллахтарына, биһиги госпитальга анаан анал таҥаһы тигэбит: Илизаров аппараатын соппуоскатын, илии бандажтара, липучкалаах бүрүүкэлэр уонна да атыны. Онуоха биһиги вололнтердарбыт эбии бааһырбыт байыастар этиилэринэн таҥас быһыытын уларыталлар. Биһиэхэ маннык кыах бэриллэрэ олус наадалаах. Бородууксуйаны Ростов, Санкт-Петербург куораттар госпиталларыгар ыытабыт»,-диэн волонтер-дьахталлар кэпсээтилэр.
Маны таһынан, волонтердар окуопа чүмэчитин, сухой душ, уһуннук умайар испиискэ оҥороллор, гуманитарнай көмөнү хомуйаллар. 2024 сыл кулун тутар ыйыттан ахсынньыга диэри Мииринэй оройуонун олохтоохторуттан хомуллубут 8,5 туонна гуманитарнай көмөнү байыаннай дьайыы зонатыгар ыыппыттар — үс массыына ыытыллыбыт.
Былырыын ахсынньы ыйыгар Мииринэй тыйаатырын сыанатыгар аһымал кэнсиэр ыытыллыбыт. Хомуллубут харчынан тепловизортан харыстыыр плащтар атыылаһыллыбыттар.
Ахсынньы ыйга Светлай куорат кэллиэһин баазатыгар филиал аһыллан үлэлиир. Онно эмиэ волонтердар таҥас тигэллэр, сиэккэни өрөллөр, гуманитарнай көмөнү хомуйаллар.
Волонтердар Мииринэй оройуонун уонна куоратын дьаһалталарыгар, Мииринэй оройуонун Норуодунай активыгар, «АЛРОСА» хампаанньаҕа, «Профалмаз» тэрилтэҕэ, урбаанньыттарга, оройуон бары үөрэх тэрилтэлэрин преподавателлэригэр уонна устудьуоннарыгар махтаналлар.
Мииринэй оройуон волонтердарын дьиэтэ киэҥ-куоҥ, сырдык. Манна иистэнэр сыаҕы таһынан маскировочнай сиэккэни, гуманитарнай көмөнү хомуйуу, таһаҕаһы фасовкалааһын үлэлэрэ ыытыллаллар. Бэл, байыастар уоппускаларыгар төннөн, бөһүөлэккэ эбэтэр ыаллыы Сунтаар оройуонугар төннөн кэлбиттэргэ анаан сынньанар хостоохтор.
«Эһиги байыаннай сулууспалаахтарга уонна кинилэр дьиэ кэргэттэригэр ис сүрэххитинэн олус улахан суолталаах дьыаланы оҥороҕут. Биһиги ытык эбээһинэспит — кинилэргэ болҕомтобутун ууруу», — диэн Ольга Балабкина бэлиэтээтэ.
Бэнидиэнньиккэ, ахсынньы 8 күнүгэр, Хатас – Павловскай хайысханан Өлүөнэ өрүһү туоруур кыһыҥҥы суолга тырааныспарга көҥүл…
Өлүөхүмэ оройуонун борокуратуурата РФ Холуобунай кодексатын 111-с ыстатыйатын 4-кы чааһынан (соруйан доруобуйаҕа ыар эчэйиини оҥоруу,…
Бүгүн, ахсынньы 8 күнүгэр, СӨ Уопсастыбаннай балаататыгар «Доруобуйа харыстабылын эйгэтин үбүлээһин уонна социальнай мэктиэлэри хааччыйыы…
Ахсынньы 9 күнүгэр Арассыыйа империятын, Сэбиэскэй Сойуус уонна аныгы Арассыыйа – араас кэмнэр дьоруойдарын бэлиэ…
Бүгүн суруналыыс, суруйааччы Ангелина Васильева "Саха"НКИХ "Айар дьон" биэриитигэр кыттыыны ылла. Биэриини эрэдээктэр Татьяна Степанова…
«Национальные приоритеты» АНО уонна Арассыыйа экэнэмиичэскэй сайдыытын министиэристибэтэ дойду үрдүнэн кыһыҥҥы айаны көҕүлүүр сыалтан «Сколько…