Хаартыска: pxhere.com/ru/photo
Мииринэй оройуонун суута оройуоннааҕы балыыһа дерматовенеролог-быраас — буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. быраас мэдиссиинэ көрүүтүгэр түмүктэргэ сыстыганнаах ыарыы суоҕун туһунан сымыйа сибидиэнньэлэри соруйан киллэрбит.
Кини Кыргыстаантан уонна Арменияттан сылдьар ыарыһахтарга, анаалыстара ыарыы баарын көрдөрөрүн үрдүнэн, сыстыганнаах ыарыылары бэлиэтээбэтэх, эмтэниини анаабатах, ону таһынан олохтоммут быраабылалары кэһэн, тулалыыр дьоҥҥо кутталлаах ыарыылар испииһэктэригэр киирэр сыстыганнаах ыарыы быһаарыллыбытын туһунан былаас уорганнарыгар биллэрбэтэх.
Сууттанааччы буруйу оҥорон доруобуйа харыстабылын систиэмэтин уонна омук гражданнарга туоһулааһыны ыытыыга судаарыстыбаннай өҥөнү оҥорор РФ уорганнарын ааттарын-суолларын түһэрдэ, дьоҥҥо-сэргэҕэ кутталлаах ыарыы үөскүүр уонна тарҕанар кутталын үөскэттэ, ону таһынан миграцияны хонтуруоллуур уорганнарга омук гражданнарыгар сыстыганнаах ыарыы суоҕун туһунан сымыйа сибидиэнньэлэри биэрэригэр көмөлөстө, түмүгэр кинилэр миграционнай учуокка туруоруллубатахтар уонна РФ сиригэр-уотугар үлэлии сылдьыбыттара. Суут мунньаҕар сууттанааччы буруйун билиммэтэ.
Мииринэй оройуонун суутун бириигэбэринэн, дьахтар буруйдааҕынан билинилиннэ уонна 3 сыл тургутар болдьохтоох 2 сыл 6 ыйга болдьоххо көҥүлэ быһыллан, 1 сыл 6 ый болдьоххо быраас быһыытынан үлэлиир бырааба быһылынна. Суут бириигэбэрэ сокуоннай күүһүгэр киирэ илик диэн СӨ Сууттарын холбоһуктаах пресс-сулууспата иитиннэрэр.
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…
«Саханефтегазсбыт» АУо Өлүөнэ уонна Алдан өрүстэринэн ньиэби массыынанан таһыыны саҕалаата. «2026 сыл бастакы аҥаарыгар биһиги…