Мииринэйгэ сэллик ыарыылаах дьахтары күүһүнэн балыыһаҕа киллэрдилэр

Мииринэй оройуонун суута киин балыыһа бырааһын административнай ирдэбилин ылынна уонна олохтоох дьахтары күүһүнэн балыыһаҕа стационарнайдык эмтэниигэ толору кууруһу ааһарга уураахтаата. Бу туһунан Саха Өрөспүүбүлүкэтин сууттарын холбоһуктаах пресс-сулууспата иһитиннэрэр.

Дьахтар аһаҕас көрүҥнээх сыстыганнаах ыарыылаах сылдьан эмтэнииттэн куотуна сылдьыбыта биллибит. Суут кэмигэр быһаарыллыбытынан,  дьахтар быраастар хамыыһыйаларын быһаарыытынан сэллик ыарыы булуллубутунан диспансернай учуокка ылыллыбыт. Кылгас кэм устата дьахтар балыыһаҕа эмтэниини ааспыт, ол эрээри бэйэтин баҕатынан диспансертан куотунан тахсыбыт. Салгыы ити кэннэ дьахтар көрбөт буолбутунан, быраастарынан дьиэтигэр эмтэнии, сөптөөх эмп-том анаммыт. Ол гынан, ыарыылаах дьахтар патронаж кэмигэр аанын арыйбат да, төлөпүөнү да ылбат буолбут, салгыы эми-тому иһэртэн, томографияҕа түһэртэн, балыыһаҕа киирэртэн аккаастаммыт.

Суут дьыаланы үөрэтэн баран, дьахтары күүһүнэн балыыһаҕа киллэрэргэ, стационарнайдык толору кууруһунан эмтииргэ уураахтаата. Суут быһаарыыта сокуоннай күүһүгэр киирэр илик.