Мииринэйгэ уоту чөлүгэр түһэрдилэр

«Якутскэнерго» ПАУо арҕаа электрическэй ситимин үлэһиттэрэ Мииринэйгэ тыалтан сылтаан  барбыт уоту чөлүгэр түһэрдилэр. Сөкүүндэҕэ 27 миэтэрэҕэ тиийэ күүскэ тыалырбыт.

Энэргиэтиктэр  тыалтан сылтаан ЛЭП ситимнэрэ быстыбыттарын, ону сэргэ 3 №-дээх фабрика, «Мииринэйдээҕи МГРЭС» уонна  Л 131 «МГРЭС» уоттара барбытын оҥорбуттар. Тыалтан-куустан эмсэҕэлээбит уот ситимигэр түүннэри-күнүстэри 15 киһилээх биригээдэ, 6 анал тиэхиньикэ, 5 УАЗ массыына үлэлээбит. Онон алтынньы 25 күнүгэр уот ситимэ чөлүгэр түһэриллибит.