Мииринэйгэ — «Үтүө санаа» дьаарбаҥката

Байыастар дьиэ кэргэттэригэр көмөлөһөр сыаллаах-соруктаах дьаарбаҥканы оройуон дьаһалтатын кэлэктиибэ тэрийдэ.

Тэрээһиҥҥэ «Норуот актыыба» уопсастыбаннай хамсааһын көхтөөхтүк кытынна. Манна даачаларыгар, тиэргэннэригэр үүннэрбит оҕуруоттарын аһыттан саҕалаан, барыанньаҕа, тэллэйгэ, бурдук ас арааһыгар тиийэ аҕалбыттар. Дьаарбаҥкаҕа кэлбит ыалдьыттар сибиэһэй, минньигэс, иҥэмтиэлээх аһы-үөлү хамаҕатык атыыластылар.

Манна киирбит үбү-харчыны сэтинньигэ РФ Ийэ күнүгэр, байыастар ийэлэрин, кэргэннэрин эҕэрдэлииргэ туттар былааннаахтарын туһунан дьаһалта пресс-сулууспата суруйар. «Үтүө санаа» дьаарбаҥката салгыы улуустарга тэриллиэ.

Мииринэй оройуонун дьаһалтатын пресс-сулууспата