Мииринэйэгэ Чуоналыыры туоруур муоста арылынна

Бүгүн, сэтинньи 15 күнүгэр, Мииринэй оройуонугар «Анаабыр» массыына эрэгийиэннээҕи суолугар баар Чуоналыыры туоруур муостаны арыйдылар. Бу муоста өрөспүүбүлүкэҕэ бүтэһик алта сылга тутуллубут 55-с муостанан буолар.

Эбийиэги РФ Бэрэсидьиэнэ Владимир Путин көҕүлээбит «Куттала суох хаачыстыбалаах суоллар» национальнай бырайыак иитинэн туттулар. Тутууга диэн 476 мөл.солк. көрүллүбүтэ. Бу иннинээҕи 1970-с сылларга тутуллубут туоруур сир саахалланар туруктаах этэ.

«Биһиги өрөспүүбүлүкэбит киэҥ сиринэн тайаан сытар буолан, массыына суоллара улахан суолталаахтар. Биллэн турар, муостаны тутуу сайдыыга суолталаах үлэнэн буолар. Бүгүн өрөспүүбүлүкэҕэ бүтэһик алта сылга тутуллубут 55-с муостаны арыйдыбыт. Муостаны туппут, барыйыак олоххо киирэригэр үлэлээбит бар дьоҥҥо махтанабын», — диэн СӨ Баһылыга Айсен Николаев үөрүүлээх тэрээһиҥҥэ эттэ.

Саҥа муоста Удачнай бөһүөлэги уонна Мииринэй куораты ситимниир, Анаабыр, Өлөөн оройуоннарыгар сырыыны хааччыйар.