Микрокирэдьиит хампаанньалара ипотека биэрэр буоллулар

Алтынньы ыйтан саҥа сокуон күүһүгэр киирдэ. Ол чэрчитинэн, эрэгийиэн иһинээҕи микрокирэдьиит хампаанньалара ипотека кирэдьиитин биэрэр кыахтаннылар.
Ырыынакка саҥа кыттааччылар үөрэнэллэригэр анаан, Киин Баан кирэдьиит толору сыанатын хааччаҕын туттубат туһунан быстах кэмҥэ мораторийы биллэрдэ. Бу мораторий 2026 сыл кулун тутар 31 күнүгэр диэри, ол күнү киллэрэн туран, үлэлиэҕэ.
Ипотеканы кимнээх ылыахтарын сөбүй?
Чааһынай дьон ипотеканы урбаанынан дьарыктаныыны кытта сибээһэ суох сыалга ылыахтарын сөп. Ол эрээри, кирэдьиити биэрэр хампаанньаҕа сүрүн ирдэбиллэр туруоруллаллар:
- Хампаанньа 100% аахсыйата РФ субъегар бас билиниэхтээх, эбэтэр эрэгийиэн хампаанньа соҕотох тэрийээччитэ буолуохтаах.
- Биир эрэгийиэн биир эрэ итинник хампаанньа кыттыылааҕа буолуон сөп.
Киин Баана маннык хампаанньаларга эбии ирдэбиллэри киллэрэр бырааптаах. Маны таһынан, хампаанньаттан ылбыт ипотекаларын элбэх оҕолоох ыалларга бэриллэр 450 тыһыынча солкуобайдаах судаарыстыба төлөбүрүн суотугар көҕүрэтэр кыахтаныахтара.
Сообщить об опечатке
Текст, который будет отправлен нашим редакторам: