Микрокирэдьиит хампаанньа үлэһитэ кирэдьиит иэһин ирдээн кыыһы куттаабыт

Суут бириистэптэрин управлениетыгар Дьокуускай куорат 52 саастаах олохтооҕуттан сайабылыанньа киирбит.

Кини кыыһын иэһин иһин төлөпүөнүнэн куттаабыт биллибэт киһиэхэ сыһыаннаах бэрэбиэркэни ыытарга көрдөспүт. Бу туһунан Суут бириистэптэрин Саха сиринээҕи сулууспатын пресс-сулууспата иһитиннэрэр.

Бэрэбиэркэ кэмигэр сайабылыанньа биэрээччи 24 саастаах кыыһа микрокирэдьииттиир хампаанньаттан 3900 солк. суумалаах кирэдьиити оҥотторон баран, кэмигэр төннүннэрбэтэҕэ быһаарыллыбыт. Ол кэннэ хампаанньа бэрэстэбиитэллэрэ иэстээх кыыска эрэ буолбакка, кини төрөппүттэригэр төдөпүөнэн эрийэн, суруйан саҕалаабыттар. Дьыаланы көрүү түмүгүнэн сулууспа дуоһунастаах үлэһиттэрэ административнай быраабы кэһии туһунан боротокуол оҥорбуттар.

Микрокирэдьиит хампаанньата 50 тыһ.солк. кээмэйдээх ыстараабы төлөөбүт.