“Мин ❤️Дьиикимдэм” диэн арт-эбийиэк баар буолла

Ньурба улууһун Дьиикимдэ баһылыга Прокопий Осипов көҕүлээһининэн, нэһилиэктэригэр өссө биир  сонун  бырайыак олоххо киирэн эрэр. Ол — төрөөбүт дойдуга тапталы туоһулуур сибэккинэн симэммит “Мин ❤️Дьиикимдэм” арт-эбийиэк диэн «Ньурба» хаһыат суруйар. 

—Бырайыак эскиһин Прокопий Николаевич бэйэтэ толкуйдаан оҥорбут. Баһылыктарын көҕүлээһинин олохтоохтор өйөөн, Дьиикимдэ оскуолатын үлэһиттэрэ 340, балыыһа 300, кулууп 70, дьаһалта 464, уһуйаан 40 , барыта 1214 араас көрүҥ петунья арассаадатын олордубуттар, — диэн «Ньурба» хаһыат иһитиннэрдэ.