«Мин бастакы хамнаһым» социальнай бырайыак

 Биэдэмистибэҕэ бэлиэтээбиттэринэн, социальнай бырайыак уустук балаһыанньаҕа түбэспит дьиэ кэргэн оҕолоругар туһаайыллар.

Бырайыак Ил Дархан Айсен Николаев сорудаҕынан бу ааспыт сайын бэс ыйыгар олоххо киирбитэ.

«Оҕолор инники идэлэрин туһунан толкуйдаан, билиҥҥиттэн үлэҕэ сыһыарар, бэйэлэрэ хамнас аахсар кыахтаналларыгар кыах биэриэххэ наада. «Мин бастакы хамнаһым» диэн пилотнай бырайыагы Бырабыыталыстыба олоххо киллэрэн улаатан эрэр оҕолор дьарыктаах буолууларын ситиһиини социальнай ханатраак ньыматынан тэрийиэххэ сөп. Бырайыак ааспыт сайын бэс ыйын 1 күнүттэн үлэлиир», — диэн Ил Дархан Айсен Николаев иһитиннэрдэ. Дьокуускайга, Горнайга, Мэҥэ Хаҥаласка номнуо олоххо киирбитэ.

Улаатан эрэр 119 оҕо сайыҥҥы кэмҥэ харчылаһар кыахтаммыта.  Ону сэргэ Дьокуускайга быстах хамнас аахса  62 оҕо, олортон  54  социальнай өттүнэн уустук балаһыанньаҕа түбэспит дьиэ кэргэн оҕолоро этилэр. 8 тулаайах оҕо араас тэрилтэлэргэ, креативнай индустрияҕа – 4 оҕо.

Бу бырайыак кэлэр сайын салгыы үлэлиэҕэ.

Бу сылга Ил Дархан Айсен Николаев Ил Түмэҥҥэ сыллата ыытыллар туһаайан этиитэ ахсынньы 19 күнүгэр күнүс 11 ч. буолуоҕа.

Ил Дархан ааһан эрэр сыл сүрүн түмүктэрин таһаарыаҕа.

СӨ Ил Дарханын уонна Бырабыыталыстыбатын пресс-сулууспата

Хаартыска: Андрей Сорокин архыыбыттан, СИА